သင်၏ ရာသီစက်ဝန်းပျက်သွားရခြင်း အကြောင်းရင်းများ

ကိုယ်ဝန်ရှိခြင်းက ရာသီစက်ဝန်းပျက်ခြင်းရဲ့ အဖြစ်အများဆုံးအကြောင်းအရင်းဖြစ်ပါတယ်။ သင်ဟာ မကြာသေးမီက လိင်ဆက်ဆံဖူးတယ်ဆိုရင် ကိုယ်ဝန်စစ်ဆေးမှု ပထမဦးဆုံးပြုလုပ်ပါ။ ပုံမှန်မဟုတ်တဲ့အခြေအနေတွေဖြစ်တဲ့ ခေါင်းကိုက်ခြင်း၊ အမြင်အာရုံပြောင်းခြင်း၊ ပျို့အန်ခြင်း၊ အဖျားတက်ခြင်း၊ ဆံပင်ကျွတ်ခြင်းနဲ့ ရင်သားအရည်ဆင်းခြင်းတွေ ဖြစ်နေရင် ကိုယ်ဝန်အတွက် သတိထားပါ။

သို့သော် အခြေားဆေးဘက်ဆိုင်ရာနဲ့ လူနေမှုပုံစံတွေကလည်း သင့်ရာသီစက်ဝန်းကို ထိခိုက်စေနိုင်ပြီး ရာသီလာမှုနောက်ကျစေနိုင်တယ်။

• စိတ်ဖိစီးမှု – ပြင်းထန်တဲ့စိတ်ဖိစီးမှုဟာ မျိုးဥထွက်ခြင်းနဲ့ ရာသီစက်ဝန်းထိန်းညှိပေးတဲ့ ဟော်မုန်းထုတ်လုပ်မှုကို အနှောင့်အယှက်ဖြစ်စေတယ်။

• ကိုယ်အလေးချိန် – ကိုယ်အလေးချိန် လျှင်မြန်စွာ တက်ခြင်း၊ကျခြင်းတွေက ဟော်မုန်းပမာဏကိုအနှောင့်အယှက်ဖြစ်နိုင်တာကြောင့် ရာသီစက်ဝန်းကို ထိခိုက်နိုင်တယ်။

• သန္ဓေတားနည်း – ဟော်မုန်း သန္ဓေတားနည်းတွေက တခါတရံမှာ ရာသီစက်ဝန်းသံသရာကို လွှမ်းမိုးပြီး နည်းအမျိုးမျိုး သက်ရောက်မှုရှိနိုင်တယ်။

• မကြာခင်က စတင်ခြင်း – အထူးသဖြင့် ရာသီလာစအမျိုးသမီးတွေနဲ့ မကြာခင်ကမှ ရာသီပြန်ပေါ်တဲ့အမျိုးသမီးတွေမှာ ပုံမှန်စက်ဝန်းကို ချက်ခြင်းပြန်မရနိုင်သေးပါ။

• မိခင်နို့တိုက်ခြင်း – နို့်တိုက်ခြင်းက ကလေးကို ကယ်လိုရီပေးဆောင်နေရတာကြောင့် ရာသီစက်ဝန်းကို သက်ရောက်မှုရှိနိုင်တယ်။

• သွေးဆုံးခြင်း – Perimenopause လို့ခေါ်တဲ့ သွေးဆုံးခြင်းကိုကူးပြောင်းတဲ့အခါ ရာသီစက်ဝန်းအတွင်း ပုံမှန်မဟုတ်တာတွေဖြစ်ပေါ်နိုင်တယ်။

• အလုပ်ချိန်အပြောင်းအလဲ – သင်ရဲ့ နေ့နဲ့ည မကြာခဏ အလုပ်အချိန်ဇယားအပြောင်းအလဲတွေက သင့်ရဲ့ရာသီစက်ဝန်းကို ခန့်မှန်းရခက်နိုင်တယ်။

• Polycystic Ovary Syndrome (PCOS) – PCOS ဟာ ပုံမှန်မဟုတ်တဲ့ ဓမ္မတာလာခြင်း၊ သားဥအိမ်ပေါ်မှာအရည်ကြည်ဖြစ်ခြင်းကို ဖြစ်ပေါ်စေတဲ့ ဟော်မုန်းချို့ယွင်းမှုဖြစ်ပါတယ်။

ရာသီလာချိန်နောက်ကျရတဲ့ အကြောင်းရင်းများစွာရှိပြီး ဆရာဝန်နဲ့ပြသစစ်ဆေးပြီး အဖြေရှာရမယ့် ကျန်းမာရေးဆိုင်ရာ အခြားကြောင်းရင်းများစွာလည်းရှိပါတယ်။ ရာသီလာချိန် တကြိမ် လွဲချော်တာက များသောအားဖြင့် စိုးရိမ်စရာမရှိပါ။ သို့သော် ကာလတခုအထိ ပိုပြီးလွဲချော်နေရင်၊ ပထမဦးဆုံးအကြိမ်ဖြစ်ရင် သို့မဟုတ် ပုံမှန်မဟုတ်တဲ့ လက္ခဏာတွေပါနေရင် ဆရာဝန်ကို ဆက်သွယ်ပါ။