ကိစ္စအများစုတွင် လေ့ကျင့်ခန်းသည် ကိုယ်ဝန်ဆောင်စဉ်တွင် ဘေးကင်းပြီး အကျိုးရှိသည်။ သို့သော်လည်း လေ့ကျင့်ခန်းလုပ်ရိုးလုပ်စဉ်တစ်ခုခုကို မစတင်မီ သို့မဟုတ် ဆက်မလုပ်မီ ကျန်းမာရေးစောင့်ရှောက်မှုပေးသူနှင့် တိုင်ပင်ရန် အရေးကြီးသည်။

ကိုယ်ဝန်ဆောင်စဉ် လေ့ကျင့်ခန်း ပုံမှန်လုပ်ခြင်းက စိတ်ခံစားချက်ကို ကောင်းမွန်စေခြင်း၊ ခါးနာခြင်းကို လျှော့ချပေးခြင်း၊ မွေးဖွားခြင်းအတွက်ကြံ့ခိုင်ခြင်းနှင့် နှလုံးသွေးကြောဆိုင်ရာ အလုံးစုံကျန်းမာရေးကို မြှင့်တင်ပေးနိုင်ပါတယ်။ ကျန်းမာရေးနဲ့ ညီညွတ်တဲ့ ကိုယ်အလေးချိန်ကို ထိန်းသိမ်းဖို့လည်း ကူညီပေးပါတယ်။

ဝမ်းဗိုက်ကိုထိုခိုက်ခြင်း သို့မဟုတ် ထိခိုက်ဒဏ်ရာရစေနိုင်သော အန္တရာယ်ရှိသော လေ့ကျင့်ခန်းအချို့ကို ရှောင်ကြဉ်သင့်သည်။ ဥပမာအားဖြင့် ပထမသုံးလပတ်ပြီးနောက် နောက်ကျောကို ပက်လက်အိပ်ရသော လေ့ကျင့်ခန်းများနှင့် လဲကျနိုင်သော လှုပ်ရှားမှုများ ပါဝင်သည်။

ကိုယ်ဝန်ဆောင်အမျိုးသမီးအများစုသည် တစ်ပတ်လျှင် အနည်းဆုံး မိနစ် 150 ခန့် အလယ်အလတ် လေ့ကျင့်ခန်းပြုလုပ်ပေးနိုင်ပါတယ်။ တစ်ပတ်အတွင်းမိနစ် 150 ပြည့်အောင် တစ်ရက်လျှင် မိနစ် ၂၀ မှ ၃၀ ခန့် (သို့) ထိုထက်ကြာအောင် ပြုလုပ်နိုင်သည်။ လေ့ကျင့်ခန်းပြုလုပ်စဉ် နာကျင်မှု ပင်ပန်းမှုတွေခံစားရပါက အပြင်းအထန်ဆက်လုပ်ခြင်းကို ရှောင်ကြဉ်သင့်သည်။

ဖြည်းဖြည်းချင်း စတင်ပြီး ထိခိုက်မှုနည်းတဲ့ လှုပ်ရှားမှုတွေကို ရွေးချယ်ဖို့ အကြံပြုလိုပါတယ်။ လမ်းလျှောက်ခြင်း၊ ရေကူးခြင်းနဲ့ ကိုယ်ဝန်ဆောင်ယောဂကျင့်ခြင်းတွေဟာ ပထမဆုံးပြုလုပ်ခြင်းအတွက် ရွေးချယ်စရာများ ဖြစ်ပါတယ်။ လေ့ကျင့်ခန်းအစီအစဉ်အသစ်မစတင်မီ ကျန်းမာရေးစောင့်ရှောက်မှုပေးသူနှင့် တိုင်ပင်ပါ။

Kegels လိုမျိုး တင်ပါးဆုံတွင်းလေ့ကျင့်ခန်းတွေဟာ သားအိမ်၊ ဆီးအိမ်နဲ့ အူလမ်းကြောင်းတွေကို ထောက်ပံ့တဲ့ကြွက်သားတွေ အားကောင်းစေတယ်။  ဒီလေ့ကျင့်ခန်းတွေက ယေဘူယျအားဖြင့် ဘေးကင်းပြီး ကိုယ်ဝန်ရှိချိန်နဲ့ မီးဖွားအပြီးနောက်ပိုင်း အကျိုးပြုနိုင်တယ်။

လေ့ကျင့်ခန်းပုံမှန်လုပ်ခြင်းဟာ ကိုယ်ဝန်ဆောင်ချိန်အတွင်း ကိုယ်အလေးချိန်တက်ခြင်းကို ထိန်းညှိပေးနိုင်ပြီး ကျန်းမာတဲ့ကိုယ်ဝန်ကို ရရှိစေပါတယ်။ သို့သော်၊ ဤအချိန်အတွင်း ကိုယ်အလေးချိန်ကျဖို့ တခုတည်းကိုသာ အာရုံစိုက်မနေဖို့အရေးကြီးပါတယ်။

ကိုယ်ဝန်ဆောင်စဉ်အတွင်း တက်ကြွစွာနေထိုင်ခြင်းက ခံနိုင်ရည်နဲ့ ခွန်အားကို မြှင့်တင်ပေးနိုင်တယ်။ သို့သော်လည်း သီးခြားစိုးရိမ်ပူပန်မှုတွေအတွက်  ကျန်းမာရေးစောင့်ရှောက်မှုပေးသူနဲ့  ဆွေးနွေးဖို့ အရေးကြီးပါတယ်။

မူးဝေခြင်း၊ အသက်ရှုမဝခြင်း၊ ရင်ဘတ်အောင့်ခြင်း၊ မိန်းမကိုယ်မှ သွေးဆင်းခြင်း၊ မီးမဖွားမီသားအိမ်ညှစ်သည့်လက္ခဏာခံစားလာရခြင်း  သို့မဟုတ် လေ့ကျင့်ခန်းလုပ်နေစဉ်အတွင်း အခြားလက္ခဏာများ ခံစားရပါက၊ ကျန်းမာရေးစောင့်ရှောက်မှုပေးသူနှင့် တိုင်ပင်ဆွေးနွေးရန် အရေးကြီးပါတယ်။

အလေးမခြင်းနဲ့ အားကစားလေ့ကျင့်မှုတွေကို ပြုပြင်ပြောင်းလဲပြီး ဆက်လုပ်နိုင်ပါတယ်။ ပေါ့ပါးတဲ့ အလေးတွေကိုအသုံးပြုဖို့နဲ့  ဝမ်းဗိုက်ကိုပိုဖိစေတဲ့ လေ့ကျင့်ခန်းတွေ ရှောင်ဖို့တော့ အရေးကြီးပါတယ်။ 

ရေဓာတ်ပြည့်ဝနေဖို့က မရှိမဖြစ်လိုအပ်ပါတယ်။ လေ့ကျင့်ခန်းမလုပ်မီ၊ လုပ်နေစဉ်နဲ့ လုပ်ပြီးချိန်တွေမှာ ရေများများသောက်သင့်ပြီး ရေငတ်တဲ့ အချက်ပြမှုတွေကို အာရုံစိုက်ပါ။

ဟုတ်ကဲ့၊ ဒါပေမယ့် အချို့သော ရိုးရာဝမ်းဗိုက်လေ့ကျင့်ခန်းတွေကို ပြုပြင်ပြောင်းလဲဖို့ လိုအပ်နိုင်ပါတယ်။ ပထမသုံးလပတ်ပြီးနောက် သင့်ကျောကို ပက်လက်လှဲလျောင်းစေတဲ့ လေ့ကျင့်ခန်းတွေကို ရှောင်ကြဉ်ပြီး ဝမ်းဗိုက်ကြွက်သားတွေတင်းမာမှုမရှိဖို့  အာရုံစိုက်ပါ။

ကလေးရဲ့ကျန်းမာရေးနဲ့ ဖွံ့ဖြိုးမှုကို တိုက်ရိုက်သက်ရောက်မှုရှိတာကြောင့် ကိုယ်ဝန်ဆောင်ချိန်မှာ အာဟာရက အရေးပါပါတယ်။ သင့်လျော်သောအာဟာရသည် သန္ဓေသားကြီးထွားမှုကို ပံ့ပိုးပေးပြီး မွေးရာပါချို့ယွင်းမှုအန္တရာယ်ကို လျှော့ချပေးသည်။

ကိုယ်ဝန်ဆောင်ကာလတွင် မရှိမဖြစ်လိုအပ်သော အာဟာရဓာတ်များမှာ ဖောလစ်အက်ဆစ်၊ သံဓာတ်၊ ကယ်လ်စီယမ်၊ ဗီတာမင် D၊ အိုမီဂါ-၃ ဖက်တီးအက်ဆစ်နှင့် ပရိုတင်းတို့ ပါဝင်သည်။ ၎င်းတို့သည် ကလေး၏ ကိုယ်တွင်းအင်္ဂါများ၊ အရိုးများနှင့် အလုံးစုံကျန်းမာရေး ဖွံ့ဖြိုးတိုးတက်မှုအတွက် အရေးပါသော အခန်းကဏ္ဍမှ ပါဝင်ပါသည်။

ကိုယ်ဝန်မဆောင်မီ BMI ပေါ်မူတည်၍ ကိုယ်အလေးချိန်တိုးရန် အကြံပြုချက်များ ကွဲပြားသည်။ ယေဘုယျအားဖြင့် ကျန်းမာသော ကိုယ်အလေးချိန်ရှိသော အမျိုးသမီးများသည် ၂၅ ပေါင်မှ ၃၅ ပေါင်၊ အလေးချိန်နည်းသော အမျိုးသမီးများ ၂၈-၄၀ ပေါင်နှင့် အဝလွန်သော အမျိုးသမီးများ ၁၅-၂၅ ပေါင် တိုးရန် အကြံပြုထားသည်။

အချို့သောအစားအစာများဖြစ်သည့် အစိမ်း သို့မဟုတ် မကျက်သေးသော ပင်လယ်စာများ၊ ပိုးသေချာမသတ်ထားသောနွားနို့၊ နို့ထွက်ပစ္စည်းများနှင့် ပြဒါးဓာတ်များသော ငါးအမျိုးအစားအချို့ကို ကိုယ်ဝန်ဆောင်စဉ် ရှောင်ကြဉ်သင့်သည်။ ကဖိန်းဓာတ်နှင့် အရက်သောက်ခြင်းကို ကန့်သတ်ရန်လည်း အရေးကြီးပါသည်။

အာဟာရသည် Morning Sickness ကိုစီမံခန့်ခွဲရာတွင် အခန်းကဏ္ဍတစ်ခုမှ ပါဝင်ပါသည်။ အစာနည်းနည်း မကြာခဏ အစာစားခြင်း၊ ရေဓာတ်ပြည့်ဝနေခြင်း၊ ဂျင်း၊ အမျှင်ဓာတ်နှင့် ကာဗိုဟိုက်ဒရိတ်ကြွယ်ဝသော အစားအစာများကို စားသုံးခြင်းသည် ရောဂါလက္ခဏာများကို သက်သာစေနိုင်သည်။

ကိုယ်ဝန်ရှိစဉ် သတ်သတ်လွတ်အစားအစာကို လိုက်နာရန် ဖြစ်နိုင်သော်လည်း ပရိုတင်း၊ သံဓာတ်၊ ကယ်လ်စီယမ်နှင့် အခြားမရှိမဖြစ်လိုအပ်သော အာဟာရဓာတ်များ လုံလောက်စွာ စားသုံးမှုသေချာစေရန် ဂရုတစိုက် စီစဉ်ခြင်းသည် မရှိမဖြစ်လိုအပ်ပါသည်။

ငါးသည် အိုမီဂါ-၃ ဖက်တီးအက်ဆစ်၏ အရင်းအမြစ်ကောင်းတစ်ခုဖြစ်သော်လည်း အချို့အမျိုးအစားများတွင် ပြဒါးဓာတ် မြင့်မားစွာပါဝင်နိုင်သည်။ ပြဒါးနည်းသောငါးကို ရွေးချယ်ပြီး ပြဒါးမြင့်မားသောငါးများကို ရှောင်ရှားရန် အကြံပြုလိုပါသည်။

သံဓါတ်ပြည့်ဝသော အစားအစာများဖြစ်သည့် အသား၊ ငါး၊ ဥအမျိုးမျိုး၊ ပဲများနှင့် အားဖြည့်အစေ့အဆံများ၊ အစိမ်းရင့်ရောင်ရှိသော ဟင်းသီးဟင်းရွက်များကို စားသုံးပေးနိုင်ပါသည်။ ကျန်းမာရေးစောင့်ရှောက်သူနဲ့ တိုင်ပင်ပြီး သံဓါတ်ဆေးပြားကိုသောက်သုံးနိုင်သည်။

ကိုယ်ဝန်ဆောင်စဉ် ဗီတာမင်အေ ဖောလစ်အက်ဆစ်ပါသော ဖောလိတ်ဓာတ်ကြွယ်ဝသော အစားအစာများဖြစ်သည့် အရွက်စိမ်း ဟင်းသီးဟင်းရွက်များ၊ ဖြည့်စွက်စာများ ပဲပင်နှင့်ပဲအမျိုးမျိုး စားသုံးရန် အကြံပြုထားသည်။ ကျန်းမာရေးစောင့်ရှောက်သူနဲ့ တိုင်ပင်ပြီး ဖောလစ်အက်ဆစ် ဆေးပြားကို ဖြည့်စွက်သောက်သုံးနိုင်သည်။

ကိုယ်ဝန်ဆောင်ချိန်မှာ အစာစားချင်စိတ်နဲ့ စားချင်စိတ်မရှိတဲ့အရာတွေက အဖြစ်များပါတယ်။ လိုချင်တောင့်တမှုကို ထိန်းညှိပေးခြင်းသည် ဖြစ်သင့်သော်လည်း မျှတသောအစားအစာနှင့် အာဟာရထိန်းသိမ်းရန် အရေးကြီးပါသည်။

ကာဗိုဟိုက်ဒရိတ်ပါရှိသော ကောင်းမွန်မျှတသော အစားအစာကို အာရုံစိုက်ပါ၊ အမျှင်ဓာတ်ကြွယ်ဝသော အစားအစာများပါဝင်ကာ သွေးတွင်းသကြားဓာတ်ပမာဏကို စောင့်ကြည့်ပါ။ ကိုယ်ဝန်ဆောင်ဆီးချိုရောဂါကို စီမံခန့်ခွဲရန် ကျန်းမာရေးစောင့်ရှောက်မှုပေးသူများနှင့် အနီးကပ်ဆွေးနွေးလုပ်ဆောင်ပါ။

ကိုယ်ဝန်ဆောင်ချိန်မှာ ရေဓာတ်ပြည့်ဝနေဖို့က အရေးကြီးပါတယ်။ ရေများများသောက်ခြင်းနှင့် ရေဓာတ်ပြည့်ဝသော အစားအစာများ စားသုံးခြင်းသည် ရေဓာတ်ခန်းခြောက်ခြင်းမှ ကာကွယ်နိုင်ပြီး အလုံးစုံကျန်းမာရေးကို အထောက်အကူပြုပါသည်။

ပုံမှန်ကိုယ်လက်လှုပ်ရှားမှုက ကိုယ်ဝန်ဆောင်ချိန်မှာ အကျိုးပြုပါတယ်။ သင့်လျော်သော လေ့ကျင့်ခန်းဖြင့် မျှတသော အစားအသောက်ကို ပေါင်းစပ်ခြင်းသည် ကိုယ်အလေးချိန်ကို ထိန်းနိုင်ခြင်း၊ ကိုယ်ဝန်ဆောင်ဆီးချိုဖြစ်နိုင်ခြေကို လျှော့ချပေးပြီး အလုံးစုံကျန်းမာရေးကို တိုးတက်ကောင်းမွန်စေပါသည်။

ချက်ကြိုးငုတ်ဆိုတာ မွေးဖွားချိန်မှာဖြတ်ထားတဲ့ ကလေးချက်ပေါ်က ချက်ကြိုးအစိတ်အပိုင်းဖြစ်တယ်။ များသောအားဖြင့် မွေးပြီး ၁ပတ်မှ ၃ပတ်အတွင်း ခြောက်သွေ့ကြွေကျသွားတတ််တယ်။

သန့်ရှင်းခြောက်သွေ့အောင်ထားပါ။ ရေချိုးနေစဉ်အတွင်း ရေထဲမနစ်မြုပ်အောင်ဂရုစိုက်ပြီး ချက်ကြိုးအနီးတဝိုက်ကို နူးညံ့တဲ့အဝတ်စ သို့မဟုတ် ရေနွေးနွေးနှစ်ထားတဲ့ဂွမ်းစနဲ့ ညင်ညင်သာသာ ဆေးကြောပါ။

ချက်ကြိုးငုတ်ဟာ မွေးပြီး ၁ ပတ်မှ ၃ပတ်အတွင်း အလိုလိုပြုတ်ကျတတ်တယ်။ သို့သော် ကလေးတယောက်နဲ့တယောက် ကွဲပြားနိုင်တယ်။

ချက်ကြိုးငုတ်ခြောက်သွေ့ပြီး ပြုတ်ထွက်သွားတဲ့အခါ သွေးထွက်ခြင်း သို့မဟုတ် အရည်အနည်းငယ်ထွက်ခြင်းဟာ ပုံမှန်ဖြစ်တယ်။ သို့သော်၊ အလွန်အကျွံသွေးထွက်ခြင်း သို့မဟုတ် အဖုလိုမျိုး အရည်တွေထွက်ရင် ရောဂါပိုးကူးစက်မှုလက္ခဏာဖြစ်နိုင်တာကြောင့် ကလေးအထူးကုဆရာဝန်နဲ့တိုင်ပင်ပါ။

သင့်ကလေးကို ချက်ကြိုးငုတ်မပြုတ်ခင် ရေမြှုပ်နဲ့ ရေချိုးပေးတာက စိတ်ချရပါတယ်။ အငုတ်ကို ခြောက်သွေ့အောင်ထားပြီး လုံးလုံးမကျွတ်မချင်း ရေထဲမနစ်မိအောင် သတိထားပါ။

ချက်ကြိုးသန့်ရှင်းမှုအတွက် ယခင်က အရက်ပြန်ကို အကြံပြုထားပေမယ့် လတ်တလော လမ်းညွှန်ချက်များအရ ရိုးရိုးရေဟာ သန့်ရှင်းရေးအတွက် လုံလောက်ပါတယ်။ အရက်ပြန်အသုံးပြုခြင်းဟာ အခြောက်ခံခြင်းကို နှောင့်နှေးစေနိုင်တယ်။ သုံးချင်တဲ့ဆန္ဒရှိရင် ကလေးအထူးကုဆရာဝန်နဲ့ အရင်တိုင်ပင်ပါ။

အငုတ်ခြောက်ကြောင့် အနံ့အနည်းငယ်ထွက်တာက ပုံမှန်ဖြစ်နိုင်ပေမယ့် အနံ့ဆိုးက ရောဂါပိုးကူးစက်မှုကို ညွှန်ပြနိုင်ပါတယ်။ ချက်ကြိုးငုတ်ကနေ ပြင်းထန်ပြီး မနှစ်မြို့ဖွယ် အနံ့အသက်ဆိုးတွေထွက်နေတာကိုသတိပြုမိရင် သင့်ကလေးအထူးကုဆရာဝန်ထံ ဆက်သွယ်ပါ။

မလုပ်ပါနဲ့၊ ချက်ကြိုးငုတ်ကို ခြောက်သွေ့စေပြီး အနာကျက်အောင်ကူညီဖို့ လေနဲ့ ထိတွေ့တာက အကောင်းဆုံးပါပဲ။ အစိုဓာတ်ကို စုပ်ယူနိုင်ပြီး ရောဂါပိုးကူးစက်နိုင်ခြေကို တိုးမြင့်စေနိုင်တာကြောင့် ပတ်တီးများ သို့မဟုတ် အဝတ်များနဲ့ ဖုံးအုပ်ခြင်း ရှောင်ကြဉ်ပါ။

သုံးပတ်အကြာမှာ ချက်ကြိုးငုတ်မပြုတ်ပါက သင့်ကလေးအထူးကုဆရာဝန်နှင့် တိုင်ပင်ပါ။  ဆရာဝန်က ချက်ကြိုးငုတ်ကို အနီးကပ် စောင့်ကြည့်ပြီး ပြုတ်ထွက်ခြင်းကို လွယ်ကူချောမွေ့စေရန်အတွက် လုပ်ဆောင်ရမယ့် နောက်ထပ် အဆင့်တွေကို အကြံပြုပေးနိုင်တယ်။

မွေးကင်းစကလေးများသည် ပုံမှန်အားဖြင့် တစ်ပတ်လျှင် ၂-၃ ကြိမ်သာ ရေချိုးရန် လိုအပ်သည်။ မကြာခဏ ရေချိုးခြင်းသည် ၎င်းတို့၏ နူးညံ့သော အသားအရေကို ခြောက်သွေ့စေပါသည်။

ရေအပူချိန်သည် ၃၇ ဒီဂရီစင်တီဂရိတ် (၉၈.၆ ဒီဂရီဖာရင်ဟိုက်) ဝန်းကျင် ကြက်သီးနွေးနွေးဖြစ်သင့်သည်။ ရေသည် ပူလွန်းခြင်း သို့မဟုတ် အေးလွန်းခြင်း မရှိစေရန် သာမိုမီတာကို အသုံးပြုပါ။

မွေးကင်းစကလေးများအတွက် အထူးဖော်စပ်ထားသည့် နူးညံ့သော၊ အမွှေးနံ့သာမရှိသော  Hypoallergenic ကလေးဆပ်ပြာ သို့မဟုတ် သန့်စင်ဆေးကို အသုံးပြုရန် အကြံပြုထားသည်။ အသားအရေကို ထိခိုက်စေနိုင်သော ပြင်းထန် ဓာတုပစ္စည်းများကို ရှောင်ကြဉ်ပါ။

ကလေးငယ်များ၏ ခန္ဓာကိုယ်ကိုဖုံးအုပ်ရန်လုံလောက်သော ရေဖြည့်ပါ။ ဒါက ကလေးရေချိုးချိန်မှာ အရမ်းအေးခြင်းကနေ ကာကွယ်ပေးပါတယ်။

ပုံမှန်အားဖြင့် 5-10 မိနစ်ခန့် ရေချိုးပေးပါ။ ရေနှင့်ကြာရှည်ထိတွေ့ခြင်းသည် ကလေးတွေကို အအေးမိခြင်းဖြစ်စေနိုင်တယ်။

မဟုတ်ပါ၊ မွေးကင်းစကလေးများသည် ရေချိုးတိုင်း ဆံပင်ကို ပုံမှန်ဆေးကြောရန် မလိုအပ်ပါ။ ပုံမှန်အားဖြင့် တစ်ပတ်လျှင် 2-3 ကြိမ်ဖြင့် လုံလောက်ပါသည်။ အပျော့စား ကလေးခေါင်းလျှော်ရည်ကို အသုံးပြုပြီး မျက်လုံးထဲသို့ မဝင်စေရန် ဂရုတစိုက် ဆေးပေးပါ။

ပုံမှန်အားဖြင့် ပထမရက်သတ္တပတ်အနည်းငယ်အတွင်း ဖြစ်တတ်တဲ့ ချက်ကြိုးငုတ်ကွာကျပျောက်ကင်းသည်အထိ  ရေမြှုပ်ဖြင့်သာရေချိုးရန် သတိပြုပါ။ ။ ချက်ကြိုးငုတ်တဝိုက်ကို ရေနွေးစိမ်ထားသောဂွမ်းလုံး သို့မဟုတ် အဝတ်စနုနုဖြင့် ညင်သာစွာ သန့်စင်ပါ။ ထို့နောက် ခြောက်အောင်သုတ်ပြီး လေဝင်လေထွက်ကောင်းအောင်ထားပါ။  အနာကျက်စေရန်အတွက် အနှီးဖြင့် ဖုံးအုပ်ခြင်းကို ရှောင်ကြဉ်ပါ။

သင့်ကလေးကို နူးညံ့သော မျက်နှာသုတ်ပဝါဖြင့် အခြောက်ခံကာ အရေပြားအဖုအပိန့်များကို အထူးဂရုပြုပါ။ မွေးကင်းစ အရေပြားသည် နူးညံ့သောကြောင့် အားဖြင့်ပွတ်ခြင်းကိုရှောင်ပါ။ အစိုပြန်မှုကိုကာကွယ်ရန် လက်ချောင်းများနှင့် ခြေချောင်းများနှင့် အရေပြာခေါက်တွန့် ကြားနေရာများကို သေချာခြောက်သွေ့အောင် ဂရုစိုက်ပါ။

ခြောက်သွေ့နေပါက မွေးကင်းစကလေးငယ်၏ အရေပြားပေါ်တွင် အပျော့စား Lotion ကို သုံးနိုင်သော်လည်း ရေချိုးတိုင်းအတွက် မလိုအပ်ပါ။ မွေးကင်းစကလေးများအတွက် ထုတ်လုပ်ထားသည့် ထုတ်ကုန်ကို အမြဲရွေးချယ်ပြီး မွှေးရနံ့ပါသော ဆေးရည်များကို ရှောင်ပါ။

နွေးထွေးသော အခန်းအပူချိန်ကို ထိန်းသိမ်းပါ၊ နူးညံ့ပြီး စုပ်ယူနိုင်သော မျက်နှာသုတ်ပုဝါများကို အသုံးပြုပါ၊ ရေချိုးနေစဉ်အတွင်း နှစ်သိမ့်မှုရှိသော စကားပြောဆိုပါ။ အချို့ကလေးများသည် ဖြည်းညှင်းစွာ ရေပက်သံနှင့် ရေစီးသံတို့ကို နှစ်သက်ကြသည်။