သစ်ကြားသီး(Walnuts)နှင့် ကိုယ်ဝန်ဆောင်ကျန်းမာရေး အာဟာရမြှင့်တင်ခြင်း
ကိုယ်ဝန်ဆောင်ခြင်းဟာ အမျိိုးသမီးတဦးရဲ့ ခန္ဓာကိုယ်တွင်းပြောင်းလဲမှုများစွာနဲ့ အလွန်အရေးကြီးတဲ့ ကာလတခုဖြစ်ပါတယ်။ ထိုကာလအတွင်း သင့်တော်တဲ့ အာဟာရရှိခြင်းဟာ မိခင်နဲ့ ကြီးထွားလာတဲ့သန္ဓေသားအတွက် ကျန်းမာရေးနဲ့ ကြီးထွားဖွံ့ဖြိုးမှုကိုထောက်ပံ့ပေးဖို့ အရေးအကြီးဆုံးဖြစ်ပါတယ်။
ဆေးပညာအရ Docosahexaenoic acid (DHA)၊ Eicosapentaenoic acid (EPA) နှင့် Alpha-linolenic acid (ALA) စတာတွေပါဝင်တဲ့ အိုမီဂါ-သရီး ဖက်တီးအက်ဆစ် (Omega-3 fatty acids) ဟာ သန္ဓေသားဖွံ့ဖြိုးမှုအတွက် အဓိကကျတဲ့ အခန်းကဏ္ဍအတွက် အရေးပါတယ်။ အထူးသဖြင့် Docosahexaenoic acid (DHA) ဟာ သန္ဓေသားရဲ့ ဦးနှောက်နှင့် အာရုံကြောစနစ် ဖွံ့ဖြိုးတိုးတက်မှုအတွက် မရှိမဖြစ်လိုအပ်ပါတယ်။
သစ်ကြားသီး(Walnuts) တွေဟာ ALA ပါဝင်တဲ့ အာဟာရရင်းမြစ်တခုဖြစ်ပြီး အပင်အခြေခံ အိုမီဂါ-၃ ဖက်တီးအက်ဆစ် ကို ရရှိစေနိုင်တယ်။ ကိုယ်ဝန်ဆောင်စဉ်အတွင်း သစ်ကြားသီးကို အစားအသောက်တွေမှာ ထည့်သွင်းခြင်းဖြင့် ငါးတွေကို မှီခိုခြင်းမရှိဘဲ အိုမီဂါ-သရီး ပါဝင်တဲ့ စားသုံးမှုကို မြှင့်တင်ဖို့ အဆင်ပြေတဲ့နည်းလမ်းတစ်ခုဖြစ်ပါတယ်။
သစ်ကြားသီးမှာပါရှိတဲ့ အိုမီဂါ-သရီး ဖက်တီးအက်ဆစ်ဟာ သန္ဓေသားရဲ့ ဦးနှောက်နဲ့ မျက်လုံးများ ဖွံ့ဖြိုးတိုးတက်မှုအတွက် အရေးပါတဲ့ အခန်းကဏ္ဍကနေ ပါဝင်တယ်။ အိုမီဂါ-သရီး ဖက်တီးအက်ဆစ် လုံလောက်အောင် စားသုံးမှုဟာ အာရုံကြောချိတ်ဆက်မှုဖွဲ့စည်းခြင်းတွေကို ပံ့ပိုးပေးတယ်။ အိုမီဂါ-သရီး ဖက်တီးအက်ဆစ်ဟာ မိခင်ရဲ့ နှလုံးသွေးကြောကျန်းမာရေးကို အထောက်အကူပြုပြီး ကိုယ်ဝန်ဆောင်စဉ်အတွင်း ရောင်ရမ်းခြင်းဆိုင်ရာ နောက်ဆက်တွဲပြဿနာဖြစ်နိုင်ခြေတွေကိုလည်း လျှော့ချပေးနိုင်တယ်။
အစားအစာတွေထဲမှာ သစ်ကြားသီးထည့်ခြင်းအားဖြင့် ကိုယ်ဝန်ဆောင်စဉ် အိုမီဂါ-သရီး စားသုံးမှုကိုမြှင့်တင်ဖို့အတွက် ရိုးရှင်းပြီးအရသာရှိသော နည်းလမ်းတစ်ခုဖြစ်ပါတယ်။ မိခင်ရဲ့ နှလုံးသွေးကြောကျန်းမာရေးကိုလည်း အထောက်အကူပြုပြီး ကျန်းမာရေးနဲ့ညီညွတ်တဲ့ အဆီပါဝင်မှုများတဲ့အတွက် ကျန်းမာတဲ့ကိုယ်ဝန် ကို ရရှိစေနိုင်ပါတယ်။
(သတိပြုရန် – သစ်ကြားသီးဟာ ကိုယ်ဝန်ဆောင်အစားအသောက်အတွက် အဖိုးတန်ဖြည့်စွက်စာတစ်ခုဖြစ်ပေမယ့် ကိုယ်ဝန်ဆောင်တစ်ဦးချင်းရဲ့ အာဟာရလိုအပ်ချက်နဲ့ပတ်သက်ပြီး ကျန်းမာရေးစောင့်ရှောက်သူ ဆရာဝန်နဲ့တိုင်ပင်ဖို့ အရေးကြီးပါတယ်။ ကျန်းမာရေးစောင့်ရှောက်မှုကျွမ်းကျင်သူတွေဟာ ကိုယ်ဝန်ဆောင်တစ်ဦးစီရဲ့လိုအပ်ချက်အတွက် အံဝင်ခွင်ကျဖြစ်စေမယ့် အစားအစာကိုလမ်းညွှန်မှုပေးနိုင်ပါတယ်။)
