ကျန်းမာရေးအတွက် မရှိမဖြစ် သံဓာတ်

ခန္ဓာကိုယ်၏ အမျိုးမျိုးသော ဇီဝကမ္မလုပ်ဆောင်မှုများအတွက် သံဓာတ်သည် အဓိကကျသော အခန်းကဏ္ဍမှ ပါဝင်ပါသည်။ အောက်ဆီဂျင်သယ်ယူပို့ဆောင်ရေးနဲ့ စွမ်းအင်ထုတ်လုပ်ရာတွင် အထောက်အကူဖြစ်စေပြီး လူ့ခန္ဓာကိုယ်တစ်ခုလုံးအတွက် မရှိမဖြစ်လိုအပ်သော အာဟာရတစ်ခုဖြစ်သည်။

သံဓာတ်သည် အဆုတ်မှ အောက်ဆီဂျင်ကို ခန္ဓာကိုယ်အနှံ့ တစ်ရှူးများဆီသို့ သယ်ဆောင်ပေးသောသွေးနီဥများအတွင်း ဟေမိုဂလိုဘင်ဖွဲ့စည်းမှုတွင် ပါဝင်နေသည့် ပရိုတင်းတမျိုးဖြစ်သည်။ လုံလောက်သော သံဓာတ်ပမာဏသည် သွေးအားနည်းရောဂါကို ကာကွယ်ပေးပြီး၊ ပင်ပန်းနွမ်းနယ်ခြင်း၊ အားနည်းခြင်းတို့ကို ကာကွယ်နိုင်သည်။

ကြွက်သားများသည် ၎င်း၏အကောင်းဆုံးစွမ်းဆောင်ရည်အတွက် အောက်ဆီဂျင်လိုအပ်သောကြောင့် ကိုယ်ကာယအားစိုက်ထုတ်ခြင်းနှင့် လေ့ကျင့်ခန်းလုပ်ချိန်များတွင် သံဓါတ်သည် အထူးအရေးကြီးပါသည်။ သံဓာတ်ပမာဏ မလုံလောက်သောသူများသည် ကြွက်သားများ အားနည်းခြင်းနှင့် လေ့ကျင့်ခန်းခံနိုင်ရည်ကို ထိခိုက်နိုင်သည်။

သံဓာတ်သည် စွမ်းအင်ဇီဝဖြစ်ပျက်မှုတွင်ပါဝင်သော အင်ဇိုင်းများအတွက်လည်းအရေးကြီးသည်။ သံဓာတ်သည် အာဟာရဓာတ်များကို စွမ်းအင်အဖြစ်သို့ ပြောင်းလဲရာတွင် အထောက်အကူဖြစ်စေသည်။ သံဓာတ်ပမာဏ မလုံလောက်ပါက ပင်ပန်းနွမ်းနယ်ခြင်း၊ မှတ်ဥာဏ်ဆိုင်ရာလုပ်ဆောင်မှု လျော့နည်းခြင်းနှင့် ကိုယ်ခံအားစနစ်ကိုနည်းပါးမှုကိုဖြစ်စေနိုင်သည်။

သံဓာတ်သည် ကျန်းမာရေးအတွက် မရှိမဖြစ်လိုအပ်သော်လည်း အလွန်အကျွံစားသုံးပါက ဆိုးကျိုးများဖြစ်စေနိုင်သောကြောင့် မျှတအောင်ထိန်းထားရန် အရေးကြီးပါသည်။ သံဓာတ်လွန်ကဲခြင်းသည် အစားအစာမှ သံဓာတ်အလွန်အကျွံစုပ်ယူနိုင်စေသည့် မျိုးရိုးဗီဇချို့ယွင်းမှုဖြစ်သော Hemochromatosis ကဲ့သို့ အခြေအနေများ ဖြစ်ပွားနိုင်သည်။

သံဓာတ်ပြည့်ဝတဲ့ အစားအစာတွေထဲမှာ အနီရောင်အသား၊ ကြက်၊ ငါး၊ ပဲအမျိုးမျိုး၊ အားဖြည့် ကောက်နှံစာတွေ ပါဝင်ပါတယ်။ ဗီတာမင် C ကြွယ်ဝသော အစားအစာများကို စားသုံးခြင်းဖြင့်လည်း သံဓာတ်စုပ်ယူမှုကို မြှင့်တင်ပေးနိုင်သည်။

ကိုယ်ဝန်ဆောင်မိခင်များနှင့် အာဟာရစုပ်ယူမှုကို ထိခိုက်စေသော အစာအိမ်နှင့် အူလမ်းကြောင်းဆိုင်ရာ ကျန်းမာရေးချို့တဲ့သူများအပါအဝင် အချို့သောအုပ်စုများသည် သံဓာတ်ချို့တဲ့မှုကို ပိုမိုခံရနိုင်ချေရှိသည်။ ပုံမှန်ကျန်းမာရေးစစ်ဆေးခြင်းနှင့် သွေးစစ်ဆေးမှုများသည် သံဓာတ်ပမာဏကို စောင့်ကြည့်စစ်ဆေးနိုင်ပြီး သံဓါတ်ချို့တဲ့မှုကို ကာကွယ်ပေးနိုင်ပါသည်။