မိခင်များအတွက် အာဟာရ

အစားအသောက်နှင့်ပတ်သက်သော ရွေးချယ်မှုများသည် ကိုယ်ဝန်ဆောင်ချိန်နှင့် မီးဖွားပြီးနောက် ဖြတ်သန်းမှုအတွက်သာမက သင့်ကလေး၏ အနာဂတ်ကျန်းမာရေးကိုပါ လေးနက်စွာ သက်ရောက်မှုရှိပါသည်။ အကောင်းဆုံးအာဟာရသည် သင့်ကလေး၏ဖွံ့ဖြိုးမှုအတွက် ခိုင်မာသောအခြေခံအုတ်မြစ်များကိုတည်ဆောက်စေပြီး တစ်သက်တာလုံးအတွက် ကျန်းမာသောအလေ့အကျင့်များအတွက် ဖြစ်ပါသည်။

သင့်လျော်သော အာဟာရသည် သားဖွားမီးယပ်ဆိုင်ရာ အဆင့်တိုင်းတွင် သင့်ကျန်းမာရေးကို ပံ့ပိုးပေးပါသည်။ အားအင်ပေးခြင်း၊ မီးဖွားပြီးနောက် ပြန်လည်ကောင်းမွန်လာစေရန်နှင့် အာဟာရရှိသော မိခင်နို့ကိုထုတ်လုပ်ရန် ကူညီပေးသည်။

• ဖောလစ်အက်ဆစ်- ကလေး၏ ဦးနှောက်နှင့် ကျောရိုးတို့တွင် မွေးရာပါချို့ယွင်းချက်များကို ကာကွယ်ရန် အရေးကြီးပါသည်။ အရွက်စိမ်းများ၊ Fortified Cereals များ နှင့် ကိုယ်ဝန်ဆောင် ဗီတာမင်စီများတွင် တွေ့ရပါသည်။
• သံဓာတ်- ဗိုက်ထဲကကလေးဆီ အောက်ဆီဂျင်ကို သယ်ဆောင်ပြီး သင့်သွေးပမာဏတိုးလာမှုကို ထောက်ပံ့ပေးသည်။ အနီရောင်အသားများ၊ ပဲများနှင့် Fortified Cereals များသည် သံဓါတ်အတွက်ကြွယ်ဝသော အစားအစာများဖြစ်သည်။
• ကယ်လ်စီယမ်- သင့်ကလေးငယ်အတွက် အရိုးနှင့် သွားများကို သန်မာစေသည်။ နို့ထွက်ပစ္စည်းများ၊ အရွက်စိမ်းများ နှင့် Fortified Cereals သည် ကယ်လ်စီကောင်းမွန်သော အရင်းအမြစ်များဖြစ်သည်။
• အိုင်အိုဒင်း- ​​သင့်ကလေး၏ ဦးနှောက်ဖွံ့ဖြိုးမှုနှင့် သင့်သိုင်းရွိုက်ကျန်းမာရေးကို ထောက်ပံ့ပေးသည်။ အိုင်အိုဒင်းဆား၊ ပင်လယ်စာနှင့် နို့ထွက်ပစ္စည်းများတွင် တွေ့ရှိရသည်။
• ဗီတာမင် D- သင့်ကလေး၏ အရိုးကြီးထွားမှုအတွက် ကယ်လ်စီယမ်နှင့် အလုပ်လုပ်သည်။ အရင်းအမြစ်များတွင် အဆီများသောငါးများ၊ အားဖြည့်နို့နှင့် နေရောင်ခြည်ထိတွေ့မှုတို့ ပါဝင်သည်။
• ပရိုတင်း- သင့်ကလေး၏ဆဲလ်များနှင့် တစ်ရှူးများတည်ဆောက်မှုအတွက် အရေးကြီးသည်။ အဆီပါဝင်မှုနည်းသာအသားများ၊ ကြက်၊ ငါး၊ ဥ၊ ပဲနှင့် အခွံမာသီးများကို ရွေးချယ်ပါ။
• ကျန်းမာသောအဆီများ (Omega-3s) – သင့်ကလေး၏ ဦးနှောက်နှင့် မျက်လုံးဖွံ့ဖြိုးမှုအတွက် မရှိမဖြစ်လိုအပ်ပါသည်။ ဆော်လမွန်ကဲ့သို့ အဆီများသောငါးများ အခွံမာသီးများနှင့် အစေ့အဆန်များသည် ကောင်းမွန်သော အရင်းအမြစ်များဖြစ်သည်။
• အမျှင်ဓာတ် (Fiber)- ဝမ်းချုပ်ခြင်းကို ကာကွယ်ပေးပြီး ဗိုက်ပြည့်နေအောင် ကူညီပေးသည်။ အသီးအနှံများ၊ ဟင်းသီးဟင်းရွက်များ၊ အစေ့အဆန်များနှင့် ပဲများတွင် တွေ့ရှိရသည်။

• ရေသည် သင့်အတွက် အကောင်းဆုံးသူငယ်ချင်းဖြစ်သည်- တစ်နေ့တာလုံး အနည်းဆုံး ရေ 8-10 ခွက်သောက်ပါ။
• အကျိုးကျေးဇူးများ- ရေသည် သင့်ကလေးထံသို့ အာဟာရများ သယ်ဆောင်ရန် ကူညီပေးသည်၊ အစာချေဖျက်ရန် ကူညီပေးသည်၊ ရေဓာတ်ခန်းခြောက်ခြင်းကို တားဆီးပေးပြီး အချို့သော ကိုယ်ဝန်ဆောင်ဝေဒနာများကိုပင် သက်သာစေနိုင်သည်။
• အခြားရွေးချယ်စရာများ- ဆေးဖက်ဝင်အရွက် လက်ဖက်ရည်များ၊ ဟင်းရည်များ နှင့် ရေဓာတ်မြင့်မားသော သစ်သီးများ/ဟင်းသီးဟင်းရွက်များသည်လည်း ရေဓာတ်ကို အထောက်အကူပြုပါသည်။

• နည်းနည်းချင်းမကြာခဏစားခြင်း- ၎င်းသည် ပျို့အန်ခြင်းနှင့် ရင်ပူခြင်းကို သက်သာစေနိုင်သည်။ ဗိုက်ပြည့်အောင်တခါတည်းစားမည့်အစား နည်းနည်းချင်းနှင့် မကြာခဏစားကြည့်ပါ။
• ပျို့အန်ခြင်းကို တိုက်ဖျက်သော အစားအစာများ- Crackers လိုမျိုး အရသာရှိတဲ့ အစားအစာများ၊ ပေါင်မုန့်ခြောက်များ၊ ဂျင်းနှင့် ငရုတ်ကောင်းကဲ့သို့သော အစားအစာများသည် တစ်ခါတစ်ရံတွင် ပျို့အန်ခြင်းကို ပြေစေနိုင်သည်။
• ဝမ်းချုပ်ခြင်းကို တိုက်ထုတ်ခြင်း- အမျှင်ဓာတ်များသော အစားအစာများ၊ ရေများများ နှင့် အလယ်အလတ် လေ့ကျင့်ခန်းများကို သင့်ဆရာဝန်က ခွင့်ပြုပါက အာရုံစိုက်လုပ်ဆောင်ပါ။
• သင့်ဆရာဝန်နှင့် ဆွေးနွေးပါ- မသက်သာပဲ ပြင်းထန်ပါက သို့မဟုတ် ဆက်တိုက်ဖြစ်နေပါက လမ်းညွှန်ချက်ရယူရန် မတွန့်ဆုတ်ပါနှင့်။

• ရှောင်ရန်အစားအစာများ
• • အစိမ်း သို့မဟုတ် ဆူရှီကဲ့သို့ မကျက်သေးသောငါးများ နှင့် အသားများ
  • ပိုးသတ်မထားသော နို့ထွက်ပစ္စည်းများနှင့် ဖျော်ရည်များ
  • ပဲပင်ပေါက်ကဲ့သလို့ အပင်ပေါက်အစိမ်းများ။
  • ပြဒါးဓာတ်မြင့်မားသောငါးများ (နှုတ်သီးချွန်ငါး၊ မက်ကရယ်ငါး)
  • အရက်၊ ဘီယာ
• ဘာကြောင့် အရေးကြီးသလဲ- ဒီအစားအစာတွေက သင်နဲ့ သင့်ကလေးငယ်ကို အန္တရာယ်ဖြစ်စေနိုင်တဲ့ ဘက်တီးရီးယားတွေ၊ ကပ်ပါးပိုးတွေ၊ ဒါမှမဟုတ် အဆိပ်အတောက်တွေကို သယ်ဆောင်လာနိုင်ပါတယ်။
• သေချာစွာချက်ပါ- အသား၊ ကြက်နှင့် ငါးအားလုံးကို လုံလောက်သောအပူချိန်ဖြင့် သေချာစွာချက်ပြုတ်ပါ။
• အညွှန်းများကို စစ်ဆေးပါ- အထူးသဖြင့် ပြုပြင်ထားသော အသားများနှင့် ဒိန်ခဲပျော့များတွင် အညွှန်းများကို သေချာဖတ်ပါ။

မိခင်၏ အာဟာရဆိုင်ရာခရီးလမ်းသည် ကလေးမွေးဖွားပြီးသည်နှင့် မပြီးဆုံးပဲ ဆက်လက်အရေးကြီးနေပါသည်။ ကိုယ်ဝန်ဆောင်စဉ်ကဲ့သို့ပင်၊ သင့်ခန္ဓာကိုယ်ကျန်းမာသန်စွမ်းရန်၊ သင့်စွမ်းအင်ပမာဏနှင့် ကျန်းမာရေးအတွက် ကောင်းမွန်သောအာဟာရသည် မရှိမဖြစ်လိုအပ်ပါသည်။

ကိုယ်ဝန်ဆောင်စဉ်တွင် သင်အာရုံစိုက်ခဲ့သော တူညီသောအာဟာရဓာတ်များစွာသည် မီးဖွားပြီးနောက်တွင်လည်း အရေးကြီးသည်။

• သံဓာတ်- မီးဖွားစဉ်တွင် ဆုံးရှုံးသွားသော သံဓာတ်ကို ဖြည့်တင်းပေးပြီး သွေးအားနည်းခြင်းနှင့် ပင်ပန်းနွမ်းနယ်ခြင်းများကို ကာကွယ်ပေးသည်။ အနီရောင်အသားများ၊ အရွက်စိမ်းများ၊ ပဲများနှင့် Fortified Cereals များကဲ့သို့ သံဓာတ်ကြွယ်ဝသော အစားအစာများကို ရွေးချယ်ပါ။
• ကယ်လ်စီယမ်နှင့် ဗီတာမင် D- အထူးသဖြင့် သင်သည်နို့တိုက်နေပါက သင်၏အရိုးကျန်းမာရေးကို ဆက်လက်ပံ့ပိုးပေးပါသည်။
• ပရိုတင်း- တစ်သျှူးများကို ပြုပြင်ပေးပြီး ကိုယ်ဝန်မဆောင်မီကအတိုင်း အလုံးစုံ ပြန်လည်ကောင်းမွန် လာစေရန် ကူညီပေးသည်။
• ကျန်းမာရေးနှင့် ညီညွတ်သော အဆီနှင့် အမျှင်ဓာတ်- စွမ်းအင်မြှင့်တင်ခြင်းနှင့် အစာချေဖျက်ရာတွင် အထောက်အကူဖြစ်စေပြီး ဝမ်းချုပ်ခြင်းကို ကာကွယ်ပေးသည်။

• ကြိုတင်ပြင်ဆင်ခြင်း- ဖြစ်နိုင်ပါက ကလေးမမွေးမီကတည်းက ကျန်းမာရေးနှင့်ညီညွတ်သော သရေစာများနှင့် ရိုးရှင်းသောအစားအစာများကို ကြိုတင်ပြင်ဆင်ပါ။
• အတွဲလိုက် ချက်ပြုတ်ခြင်း (Batch Cooking)- တစ်ပတ်တာလုံးအတွက် ပြန်နွှေးပြီး စားသောက်နိုင်တဲ့အစားအစာတွေကို ချက်ပြုတ်ပြင်ဆင်ပြီး ရေခဲသေတ္တာတွင် သိမ်းထားပါ။
• သင့်အိမ်ခန်းမှာ သိုလှောင်ပါ- အခွံမာသီးများ၊ အစေ့အဆန်များ ၊ စည်သွတ်ဘူးများ၊ နှင့် အာဟာရရှိသော အသင့်စား အစားအစာများကို သင့်အနီးမှာ ပြင်ဆင်သိုလှောင်ထားပါ။
• လွယ်ကူသော ပရိုတင်းများ- ကြက်ဥပြုတ်၊ ကြိုတင်ချက်ပြုတ်ထားသော ကြက်သား သို့မဟုတ် စည်သွတ်တူနာများသည် အလွန်ကောင်းမွန်ပြီး အမြန်ရွေးချယ်စရာများဖြစ်သည်။
• အကူအညီကိုလက်ခံပါ- ကုန်စုံစျေးဝယ်ခြင်း၊ အစားအသောက်ပြင်ဆင်ခြင်း သို့မဟုတ် ချက်ပြုတ်ခြင်းအတွက် သင့်လုပ်ဖော်ကိုင်ဖက်၊ မိသားစု သို့မဟုတ် သူငယ်ချင်းများကို အကူအညီတောင်းရန် မမေ့ပါနှင့်။

• ရေသည် အဓိကကျသည်- သင်သည် အလွန်အလုပ်များနေနိုင်သော်လည်း တစ်နေ့တာလုံး ရေများများသောက်ရန် မမေ့ပါနှင့်။
• နို့တိုက်ရန် လိုအပ်ချက်များ- နို့တိုက်နေပါက နို့ထွက်ရန်အတွက် ရေသည် ပို၍ပင် အရေးကြီးပါသည်။

မိခင်နို့တိုက်ခြင်းက ကယ်လိုရီပိုလောင်ကျွမ်းစေပါတယ်။ ပုံမှန်အားဖြင့် သင်၏ ကိုယ်ဝန်မဆောင်မီ လိုအပ်ချက်များနှင့် နှိုင်းယှဉ်ပါက တစ်နေ့လျှင် ကယ်လိုရီ ၃၀၀ မှ ၅၀၀ ခန့် ပိုလိုအပ်သည်။ သို့သော်လည်း သင့်ခန္ဓာကိုယ်၏ ဆာလောင်မှုအလျှောက် စွမ်းအင်လိုအပ်ချက်များကို ပံ့ပိုးပေးရန်အတွက် အာဟာရပြည့်ဝသော အစားအစာများကို အာရုံစိုက်စားသုံးပါ။

• အရည်များ- ရေဓါတ်သည် နို့ထွက်ရှိမှုအတွက် အလွန်အရေးကြီးပါသည်။ ရေများများ ၊ ဆေးဖက်ဝင်အရွက်ပြုတ်ရည်များ ၊ ဟင်းရည် နှင့် အရည်ကြွယ်ဝသော သစ်သီးဝလံများကို စားသောက်ပါ။
• ပရိုတင်း- နို့ထွက်ရှိမှုနှင့် သင့်ကျန်းမာရေးအတွက် မရှိမဖြစ်လိုအပ်သည်။
• သံဓာတ်- ကိုယ်ဝန်ဆောင်နှင့် ကလေးမီးဖွားစဉ် အသုံးပြုခဲ့ရသော သံဓာတ်များကို ဖြည့်ဆည်းပေးသည်။
• ကယ်လ်စီယမ်နှင့် ဗီတာမင် D- မိခင်နို့အရည်အသွေးနှင့် သင့်ကိုယ်ပိုင် အရိုးကျန်းမာရေးအတွက် အဓိကသော့ချက်ဖြစ်သည်။
• မျှတသောအစားအစာ- ကျန်းမာရေးနှင့်ညီညွတ်သောအဆီများ၊ အစေ့အဆန်များ၊ သစ်သီးများနှင့် ဟင်းသီးဟင်းရွက်မျိုးစုံသည် အလုံးစုံအာဟာရပြည့်စေနိုင်သည်။

အချို့သော အစားအစာများသည် နို့ထောက်ပံ့မှုကို မြှင့်တင်ပေးခြင်းအတွက် အစဉ်အလာအားဖြင့် ဆက်စပ်မှုရှိသည်။ ၎င်းတို့တွင်-

• အုတ်ဂျုံ: အမျှင်ဓာတ်နှင့် သံဓာတ်၏ အရင်းအမြစ်ကောင်းတစ်ခုဖြစ်သည်။
• စမုန်စပါး- နို့ရည်ထွက်ရှိမှုကို မြှင့်တင်နိုင်သော ဂုဏ်သတ္တိများ ရှိသည်ဟု ယူဆထားသည်။
• အခြားရွေးချယ်စရာများ- နို့ထွက် ကွတ်ကီးများ သို့မဟုတ် ဖြည့်စွက်စာများကို မကြာခဏ စျေးကွက်တင်ကြသော်လည်း ၎င်းတို့၏ ထိရောက်မှုကို ခိုင်မာသော သိပ္ပံပညာဖြင့် အမြဲတမ်း ကျောထောက်နောက်ခံ မပြုပါ။

• ကဖိန်းဓာတ်- စားသုံးမှုကို အလယ်အလတ်ပမာဏ (တစ်နေ့လျှင် 300mg ထက်နည်း) ကန့်သတ်ပါ။ ကဖိန်းဓာတ်လွန်ကဲမှုက သင့်ကလေးမအိပ်ပဲ ဇီဇာကြောင်စေနိုင်ပါတယ်။
• အရက်- နို့တိုက်နေစဉ် အရက်ရှောင်ပါ။ ၎င်းသည် သင့်မိခင်နို့ထဲသို့ ရောက်သွားနိုင်ပြီး သင့်ကလေးကို အန္တရာယ်ဖြစ်စေနိုင်သည်။
• ဖြစ်နိုင်ချေရှိသော ဓာတ်မတည့်မှု-  သင့်အစားအသောက်တွင် အချို့သော အစားအစာများစားမိပြီးနောက် ကလေးအားဓာတ်မတည့်မှုတခုခု သတိပြုမိပါက ထိုအရာများကို ရှောင်ကြဉ်ပြီး သင့်ဆရာဝန် သို့မဟုတ် နို့တိုက်ခြင်းဆိုင်ရာ  အာဟာရပညာရှင်နှင့် တိုင်ပင်ဆွေးနွေးပါ။