ဆောင်းပါးများ

Mental Health

အဖြေရှာ၍ ယှဉ်တွဲနေထိုင်ပါ “စိတ်သောက”ဆိုသော အရာ

By Dr.Kris | February 21, 2026

(Dr. Kris ရေးသားသည်) “စိတ်ထောင်းလို့ကိုယ်ကြေ”၊ “လူတစ်ခု ပူမှုဆယ်ကုဋေ” ဆိုတဲ့ ရှေးလူကြီးတွေ ပြောကြတဲ့စကားကို ကျွန်တော်တို့ငယ်ငယ်ထဲကကြားဖူးကြပါတယ်။ အသက်ကြီးလာ တော့ အရွယ်တစ်ခုရောက်လာတဲ့အခါ ဘယ်ဟုတ်လေမလဲ၊ လူတစ်ယောက်မှာ ပူပန်ရတာက ဆယ်ကုဋေမက တိုင်းတာလို့မရ ဆိုတာကို နားလည်မိပါတော့တယ်။ မြန်မာ့လူအဖွဲ့အစည်းမှာ “စိုးရိမ်သောကဗျာပါဒ” ဆိုတဲ့ စကားစုဟာ တော်တော်လေးတွင်ကျယ်ကြတဲ့ စကားစုပါ။ စိတ်ပူပန်တာ စိတ်ဆင်းရဲတာ စိတ်ဖိစီးမှုများတာ နဲ့ပတ်သက်ပြီးတော့ “သောက” ဆိုတဲ့ ပါဠိစကာလုံးလေးတစ်ခုကို မြန်မာစကားမှာ မွေးစားလိုက်ပြီး တွင်တွင်ကျယ်ကျယ် အသုံးပြုကြတာကြာခဲ့ပါပြီ။ တိုးတက်လာတဲ့ကမ္ဘာကြီးနဲ့အတူ ကျွန်တော်တို့ လူသားတွေဟာ အသက်ရှင်သန်နေထိုင်ဖို့ လွန်ခဲ့သော ဆယ်စုနှစ်များစွာထက် ပိုမိုရုန်းကန်ကြိုးစားလာကြရပါတယ်။ ပညာရေး၊ ကျန်းမာရေး၊ စီးပွားရေး၊ လူမှုရေးနဲ့ နည်းပညာ ကဏ္ဍအစရှိသည်ဖြင့် အရာရာမှာ ယှဉ်ပြိုင်နေရတဲ့ ခေတ်ကြီးမှာ စိတ်ဖိစီးမှု နဲ့<a href="https://myanhealth.org/mental-health/11408/">Continue reading "အဖြေရှာ၍ ယှဉ်တွဲနေထိုင်ပါ “စိတ်သောက”ဆိုသော အရာ"</a>

ဆောင်းပါးသတင်း

ဆီးချိုရောဂါရှိသူတွေမှာဖြစ်တတ်တဲ့ခြေထောက်အနာ (Diabetes foot ulcer)

By Dr. Kyaw Min Htike, M.B.,B.S., MPH, Doctor of Public Health (Candidate) | February 20, 2026

ဆီးချိုရောဂါရှိသူတစ်ယောက်ရဲ့ ခြေထောက်မှာ အနာလေးတွေ ပေါက်ပြီဆိုရင် ပေါ့ပေါ့ဆဆ မနေသင့်ပါဘူး။ ဒါဟာ ဆီးချိုခြေထောက်အနာ (Diabetic Foot Ulcer) လို့ခေါ်တဲ့ ပြဿနာကြီး ဖြစ်နိုင်လို့ပါ။ ဒီပြဿနာဟာ သာမန်ဆေးထည့်ရုံနဲ့ မသက်သာနိုင်ဘဲ ဆေးရုံတက်ရတာမျိုး၊ တစ်ခါတစ်ရံမှာ ရွေးချယ်စရာမရှိတော့ဘဲ ခြေထောက်ဖြတ်လိုက်ရတာမျိုးထိ ဖြစ်နိုင်ပါတယ်။ ဆီးချိုခြေထောက်ဖြစ်လာပြီဆိုရင် လက္ခဏာတွေအနေနဲ့ ခြေထောက်က အရမ်းခြောက်ပြီး အရေပြားကွဲနေတာ၊ ခြေချောင်းကြား၊ ဖနောင့်၊ ဖဝါးမှာ အနာစက်လေးတွေ ပေါက်နေတာ၊ အနာက နာမနေပေမယ့် ပြည်တည်နေတာ၊ အနံ့ဆိုးထွက်နေတာ၊ အနာဝန်းကျင် အရေပြားက နီရဲနေတာ (တစ်ခါတစ်ရံ မည်းနက်လာတာ)၊ ဖျားလာတာ၊ ခြေထောက်ရောင်လာတာ (ပိုးဝင်ပြီဆိုတဲ့လက္ခဏာ) စတာတွေ ပါဝင်ပါတယ်။ ဆီးချိုရောဂါရှိသူတွေမှာ ခြေထောက်အနာဖြစ်လာရတာဟာ အကြမ်းဖျင်းအားဖြင့် အကြောင်းအရာ ၃ မျိုးကြောင့်လို့ သတ်မှတ်လို့ရပါတယ်။ ဒါတွေကတော့- ၁။<a href="https://myanhealth.org/articles-news/11657/">Continue reading "ဆီးချိုရောဂါရှိသူတွေမှာဖြစ်တတ်တဲ့ခြေထောက်အနာ (Diabetes foot ulcer)"</a>

ဆောင်းပါးသတင်း

စစ်တွေ၊ ကျောက်ဖြူဒေသခံတွေ ကျန်းမာရေးပြဿနာနဲ့ စားနပ်ရိက္ခာအကျပ်အတည်း

By MyanHealth | February 18, 2026

Selena ရခိုင်ပြည်နယ်ထဲက စစ်တွေမြို့ဟာ ပြည်နယ်မြို့တော်ဖြစ်သလို ကျောက်ဖြူဟာ နိုင်ငံခြားရင်းနှီးမြှုပ်နှံ မှုတွေအတွက် အရေးပါတဲ့ မြို့တစ်ခုပါ။ အထွေထွေ အုပ်ချုပ်ရေးဦးစီးဌာန (ထွေ/အုပ်) ရဲ့ ၂၀၁၉ ခုနှစ် စာရင်းတွေအရ နှစ်မြို့ပေါင်း လူဦးရေဟာ လေးသိန်းဝန်းကျင် ရှိပါတယ်။ ဒါပေမဲ့ ရခိုင်ပြည်နယ်ထဲ ၂၀၂၃ ခုနှစ် နိုဝင်ဘာလကစပြီး ပဋိပက္ခတွေ ရှိလာတာကြောင့် နေရပ်စွန့်ခွာသူတွေ ရှိလာပြီး စစ်တွေနဲ့ ကျောက်ဖြူမြို့နယ်မှာဆိုရင် ၂၀၂၅ ခုနှစ်ထဲမှာ ဒီပဋိပက္ခတွေကြောင့်ပဲ မြို့နေ လူဦးရေရဲ့ ထက်ဝက်နီးပါးဟာ နေရပ်ကို စွန့်ခွာသွား ကြပါပြီ။ ကာလရှည် နေရပ်စွန့်ခွာခဲ့ရတဲ့ စစ်တွေမြို့ခံ တစ်သိန်းခွဲလောက်နဲ့ ကျောက်ဖြူမြို့ခံ ၅၀,၀၀၀ လောက်ဟာ အခုဆိုရင် အကူအညီတွေ လိုအပ်နေပြီလို့ အရပ်ဘက် ကူညီရေးအဖွဲ့တွေက ပြောပါတယ်။ ဒေ သတွင်းမလုံခြုံမှု<a href="https://myanhealth.org/articles-news/11404/">Continue reading "စစ်တွေ၊ ကျောက်ဖြူဒေသခံတွေ ကျန်းမာရေးပြဿနာနဲ့ စားနပ်ရိက္ခာအကျပ်အတည်း"</a>

ဆောင်းပါးသတင်း

ပလတ်စတစ်အမှုန်အမွှား (မိုက်ခရိုပလတ်စတစ်)

By MyanHealth | February 17, 2026

(လျစ်လျူရှုထားလို့မရတော့တဲ့ သဘာဝပတ်ဝန်းကျင် ညစ်ညမ်းမှုပြဿနာ) (Dr. Kris) ယခုနှစ်ပိုင်းတွေမှာ ပလတ်စတစ်အမှုန်အမွှား (မိုက်ခရိုပလတ်စတစ်)တွေကို သဘာဝပတ်ဝန်းကျင် ညစ်ညမ်းမှု ပြဿနာတစ်ရပ်ကနေ ပြည်သူ့ကျန်းမာရေးဆိုင်ရာ ပြဿနာတစ်ရပ်အဖြစ် ကမ္ဘာတစ်ဝန်းက ပြည်သူ့ကျန်းမာရေး ပညာရှင်တွေကြားမှာ ဆွေးနွေးလာခဲ့ကြပြီး ဆန်းစစ်လေ့လာမှုတွေလည်း ပြုလုပ်လာကြပါတယ်။ ယခင်က ပလတ်စတစ်ညစ်ညမ်းမှုကို ပလတ်စတစ်အများစု စွန့်ပစ်ခဲ့ကြတဲ့ နေရာတွေဖြစ်တဲ့ ပင်လယ်ကမ်းခြေတွေနဲ့ ပင်လယ်နေ သတ္တဝါတွေသေဆုံးရမှုမှာ အဖြစ်များတဲ့ ပြဿနာတစ်ခုအဖြစ်ပဲ ရှုမြင်ခဲ့ကြပေမယ့် ယခုအခါမှာတော့ မိုက်ခရိုပလတ်စတစ် ပြဿနာဟာ တိုင်းတာရခက်ခဲတဲ့ ပြည်သူ့ကျန်းမာရေးဆိုင်ရာ စိန်ခေါ်မှုတစ်ခု ဖြစ်လာနေပြီ ဖြစ်ပါတယ်။ ပလတ်စတစ်လို့ ဆိုလိုက်ရင် ကျွန်တော်တို့အားလုံး အများအားဖြင့် ကျွတ်ကျွတ်အိတ်တွေကို မျက်လုံးထဲမြင်ကြပါတယ်။ မှန်ပါတယ်။ ကျွန်တော်တို့နေ့စဉ်သုံးနေတဲ့ ကျွတ်ကျွတ်အိတ် အများစုကလည်း ပလတ်စတစ်နဲ့ လုပ်ထားတာဖြစ်ပါတယ်။ ဒါပေမယ့် ကျွတ်ကျွတ်အိတ်အပြင် တခြားသော လူသုံးကုန်ပစ္စည်းတွေမှာလည်း ပလတ်စတစ်တွေ<a href="https://myanhealth.org/articles-news/11401/">Continue reading "ပလတ်စတစ်အမှုန်အမွှား (မိုက်ခရိုပလတ်စတစ်)"</a>

Tips & Tricks

ဖြည့်စွက်စာနဲ့ အားဆေး တွေရှားနေရင် ကုန်စုံဆိုင်တွေဖက် သွားကြစို့

By Tin Zar Aung | February 15, 2026

တင်ဇာအောင် ပြည်ပသွင်းကုန် ဆေးဝါးနဲ့ကုန်စုံတွေ ဈေးကြီး ပေး တောင်ဝယ်မရတဲ့ ဒုက္ခက မလွတ် သေးဘူး မဟုတ်လား။ဖြည့်စွက်စာနဲ့အား‌ဆေးရှိမှဖြစ်တဲ့သူ‌တွေ အတွက် ကုန်စုံဆိုင်နဲ့ စူပါမားကက်စင် တွေပေါ် က ပြည်တွင်းထုတ် Super food (စူပါအစားအ သောက်) တွေကို ဘယ်လိုအစားထိုးသုံးစွဲလို့ ရနိုင်လဲ ဆိုတာ လေ့လာရေးသားလိုက်ပါတယ်။ သဘာဝကပေးတဲ့ အားအင်အစေ့ငယ် ချီယာစေ့ (Chia Seeds) ယနေ့ခေတ် ကျန်းမာရေးအသိရှိသူများအကြား ရေပန်းအစားဆုံး စူပါအစားအစာ ချီယာစေ့ (Chia Seeds) ဟာ အစေ့အဆန် သေးငယ်ပေမဲ့ အာဟာရဓာတ် ကြွယ်ဝလွန်းပါတယ်။ ချီယာစေ့သည် အပင်မှရရှိသော အာဟာရများထဲတွင် အကောင်းဆုံးဟု ဆိုနိုင်တဲ့ ဓာတ်များ စုစည်း ပါဝင်နေပါတယ်။ ဆယ်လ်မွန်ငါးထက်ပင် ပိုမိုများပြားသော Omega-3 (အိုမီဂါ-သရီး) ပါဝင်တာကြောင့် နှလုံးကျန်းမာရေးနဲ့<a href="https://myanhealth.org/tips-tricks/11391/">Continue reading "ဖြည့်စွက်စာနဲ့ အားဆေး တွေရှားနေရင် ကုန်စုံဆိုင်တွေဖက် သွားကြစို့"</a>

Mental Health

မွန်းကြပ်တဲ့လုပ်ငန်းခွင်နဲ့အလုပ်မှာ သင်ကိုယ်တိုင်ပျောက်ဆုံးနေပြီလား (အလုပ်ဖိစီးခြင်းရဲ့နောက်ကွယ်)

By Dr.Kris | February 14, 2026

(Dr. Kris) ယနေ့ခေတ်ဝန်ထမ်းတော်တော်များများရဲ့ ခေတ်သစ်လုပ်ငန်းခွင်မှာ မကြာခဏ ကြားကြားနေရတာ ရှိပါတယ်။ အဲ့တာကတော့ “ငါတော့ “Burnout” ဖြစ်နေပြီ” ဆိုတဲ့ အင်္ဂလိပ်စကားလုံးဖြစ်ပြီး လူတော်တော်များများအတွက် လူပြောသူပြောများနေတဲ့ စကားလုံးပဲဖြစ်ပါတယ်။ Burnout ဆိုတဲ့ စကားလုံးကို ကျွန်တော်တို့ မြန်မာလိုဘာသာပြန်ရရင်တော့ “စိတ်ပင်ပန်းခြေကုန်လက်ပမ်းကျခြင်း”လို့ ဆိုရမှာဖြစ်ပါတယ်။ “ငါ Burnout ဖြစ်နေပြီ” လို့ပြောကြရင် လူတော်တော်များများကတော့ ဒီလူတော်တော်ပင်ပန်းနေပြီလို့ အလွယ်နားလည်လိုက်ကြတယ်။ ကောင်းကောင်းအိပ်စက်လိုက်ရင် ပြန်ကောင်းသွားမယ့် ခဏတာ စိတ်အခြေအနေတစ်ခုလို သဘောထားတတ်ကြပါတယ် ။ ဒါပေမယ့် စိတ်ပင်ပန်းခြေကုန်လက်ပမ်းကျတာ (Burnout) ဟာ သာမန်ပင်ပန်းနွမ်းနယ်မှုမျိုး မဟုတ်ပါဘူး။ ခံစားချက်ပေါ်မူတည်ပြီး တဖြည်းဖြည်းချင်း စိတ်ပိုင်းဆိုင်ရာ ပြိုလဲပျက်စီးယိုယွင်းလာခြင်းမျိုးလို့ ပြောရမှာဖြစ်ပြီး အထူးသဖြင့် မိမိအလုပ်ကို အကောင်းဆုံးဖြစ်အောင် အလေးအနက်ထား လုပ်ကိုင်သူတွေ အလုပ်နဲ့ပတ်သက်ပြီး အလေးအနက်ထား တာဝန်ယူတတ်သူ<a href="https://myanhealth.org/mental-health/11387/">Continue reading "မွန်းကြပ်တဲ့လုပ်ငန်းခွင်နဲ့အလုပ်မှာ သင်ကိုယ်တိုင်ပျောက်ဆုံးနေပြီလား (အလုပ်ဖိစီးခြင်းရဲ့နောက်ကွယ်)"</a>

ဆောင်းပါးသတင်း

Weekly Health Round-Up (February Second Week )

By Ko Tin | February 13, 2026

မိခင်ကနေကလေးကို အိပ်ချ်အိုင်ဗွီ၊ ဆစ်ဖလစ်နဲ့ အသည်းရောင်အသားဝါဘီကူးစက်မှုက ကင်းဝေး ရေး ဦးတည်ဆောင်ရွက်နေရာမှာ အသည်းရောင်အသားဝါဘီရောဂါ စစ်ဆေး၊ ကုသမှုလုပ်ငန်း တွေကို ကနဦးအနေနဲ့ ရန်ကုန် တိုင်းဒေသကြီး၊ မန္တလေးတိုင်းဒေသကြီးနဲ့ နေပြည်တော်တို့ရှိ ဗဟိုအမျိုးသမီးဆေးရုံကြီး ၃ ခုမှာ ဆောင်ရွက်သွားဖို့ စီစဉ်ထားတယ်လို့ ကျန်းမာရေးဝန်ကြီးဌာန၊ ပြည်ထောင်စုဝန်ကြီးရုံးနှင့် ပြည်သူ့ကျန်းမာရေးဦးစီးဌာန၊ ညွှန်ကြားရေးမှူးချုပ် ဒေါက်တာမြတ်ဝဏ္ဏစိုး ကပြောပါတယ်။ မန္တလေးတိုင်းဒေသကြီး၊ ဈေးချိုတော်ဈေးမှာ အစားအသောက်နမူနာ စုစုပေါင်း(၁၇)မျိုး ကောက်ယူ၍ Mobile Lab Van မှာ Rapid Test Kit ဖြင့် စစ်ဆေးခဲ့ပြီး အစားအသောက်ရောင်း ချသူတွေကို အစားအသောက်တွေမှာ ခွင့်မပြုဆိုးဆေးနဲ့ ခွင့်မပြုဓာတုတာရှည်ခံဆေးတွေ အန္တရာယ်နှင့်ပတ်သက်ပြီး လက်ကမ်းစာ စောင်များဖြန့်ဝေတာနဲ့အသိပညာပေးတာတို့ကို ဆောင်ရွက်ခဲ့ကြတယ်လို့ ကျန်းမာရေးဝန်ကြီးဌာနက ထုတ်ပြန်ထားပါတယ်။ လှိုင်ရတနာဈေးနဲ့ ခရမ်းမြို့မဈေးမှာ ရောင်းချနေတဲ့<a href="https://myanhealth.org/articles-news/11381/">Continue reading "Weekly Health Round-Up (February Second Week )"</a>

ဆောင်းပါးသတင်း

နိုင်ငံတည်ဆောက်ရေးစိတ်နဲ့ ဂရုပြုကြရမယ့် မိခင်လောင်းတို့ ကျန်းမာရေး

By MyanHealth | February 11, 2026

ဝေဝေစိုး နိုင်ငံတစ်နိုင်ငံ ဖွံ့ဖြိုးတိုးတက်မှုဟာ အနာဂတ်လူငယ်မျိုးဆက်သစ်တွေအပေါ်မှာ အများကြီးမူတည်ပါတယ်။ ကျန်းမာသန်စွမ်းတဲ့ လူငယ်မျိုးဆက်သစ်တွေရှိမှ နိုင်ငံအနာဂတ်ဟာ လှပမှာဖြစ်ပါတယ်။ဒီလိုကျန်းမာသန်စွမ်းတဲ့ မျိုးဆက်သစ်တွေရှိလာဖို့ဆိုတာ မိခင်လောင်းတွေပေါ်မှာ အဓိကကျနေပြန်ပါတယ်။ မိခင်လောင်း ကျန်းမာနေမှသာ ကျန်းမာသန်စွမ်းတဲ့ မျိုးဆက်တစ်ခုကို မွေးထုတ်ပေးနိုင်မှာ ဖြစ်ပါတယ်။ ဒီလို မိခင်လောင်း ကျန်းမာနေဖို့ဆိုတာ စိတ်အခြေအနေတွေအပြင် ပတ်ဝန်းကျင်နဲ့ပါတိုက်ရိုက်အချိုးကျဆက်စပ်ပါတယ်။မိခင်လောင်းတစ်ယောက်အတွက် ကိုယ်ဝန်ဆောင်ချိန်မှာ ကျန်းမာနေဖို့ အရေးကြီးသလို မွေးဖွားချိန်နဲ့ မွေးဖွားပြီးချိန်တွေဟာလည်း အရေးကြီးပါတယ်။ ဒီကာလအားလုံးမှာ သူမရဲ့ ကိုယ်ကျန်းမာရေး၊ စိတ်ကျန်း မာရေးအပေါ် တစုံတရာ သက်ရောက်မှုမရှိစေဖို့စောင့်ရှောက်မှုတွေလိုအပ်ပါတယ်။ ဒါမှသာ ကျန်းမာသန်စွမ်းတဲ့ အနာဂတ်ရင်သွေးငယ်ကို မွေးဖွား၊ ပျိုးထောင်နိုင်မှာ ဖြစ်ပါတယ်။ မြန်မာနိုင်ငံကမိခင်တွေဟာကိုယ်ဝန်ဆောင်ထားချိန်ကျန်းမာရေးစောင့်ရှောက်မှု လုံလောက်အောင်မရတာ၊ မွေးဖွားချိန်မှာ ပြည့်စုံကောင်းမွန်တဲ့ စောင့်ရှောက်မှု မရရှိတာ၊ မီးဖွားပြီးချိန်မှာ သင့်တော်တဲ့ ကျန်းမာ ရေး စောင့်ရှောက်စစ်ဆေးမှု မရတာကြောင့် ပြီးခဲ့တဲ့<a href="https://myanhealth.org/womens-health/11370/">Continue reading "နိုင်ငံတည်ဆောက်ရေးစိတ်နဲ့ ဂရုပြုကြရမယ့် မိခင်လောင်းတို့ ကျန်းမာရေး"</a>

ဆောင်းပါးသတင်း

စိန်ခေါ်မှု တစ်ရပ် ဖြစ်နေတဲ့ ကလေးငယ်တွေ ကျန်းမာရေး

By MyanHealth | February 10, 2026

ဖြိုးဖြိုး လက်ရှိ အကျပ်အတည်းတွေကြောင့် မြန်မာနိုင်ငံမှာရှိတဲ့ ကလေးငယ်မျိုးဆက်တစ်ခုလုံးရဲ့ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ကျန်းမာရေးဟာ ခြိမ်းခြောက်ခံနေရတယ်လို့ UNICEF (United Nations Children’s Fund)/ ယူနီဆက်ဖ် (ကုလသမဂ္ဂ ကလေးများ ရန်ပုံငွေအဖွဲ့) က ဆိုထားပါတယ်။ ကိုဗစ်-၁၉ ကပ်ရောဂါကြောင့် ပြိုလဲလုနီးပါး ဖြစ်ခဲ့တဲ့ ကျန်းမာရေးစနစ်နဲ့ ကျယ်ပြန့်လာတဲ့ ပဋိပက္ခတွေကြောင့် ကလေးတွေဟာ သန့်ရှင်းတဲ့ရေနဲ့ ကျန်းမာရေး စောင့်ရှောက်မှုလို မရှိမဖြစ်လိုအပ်တဲ့ ဝန်ဆောင်မှုတွေကို လက်လှမ်းမီရရှိဖို့ ခက်ခဲနေခဲ့ပါတယ်။ လက်ရှိမှာ အရည်အသွေးကောင်းမွန်တဲ့ အစားအစာ၊ သန့်ရှင်းတဲ့ရေ၊ ဘေးကင်းလုံခြုံမှု၊ ပညာရေးနဲ့ တစ်သမတ်တည်းကျတဲ့ စောင့်ရှောက်မှုနဲ့ အကာအကွယ်ပေးခြင်းတို့ဟာ ကလေးသူငယ်အများအပြားရဲ့ လက်လှမ်းမီနိုင်မှုထက် ကျော်လွန်နေတယ်လို့လည်း ယူနီဆက်ဖ်က ဆိုပါတယ်။ မူကြိုကလေးတွေရဲ့ ၃၀ ရာခိုင်နှုန်းနီးပါးမှာ အသက်အရွယ်အလိုက် ရှိရမယ့် အရပ်အမောင်းမရှိဘဲ<a href="https://myanhealth.org/womens-health/11365/">Continue reading "စိန်ခေါ်မှု တစ်ရပ် ဖြစ်နေတဲ့ ကလေးငယ်တွေ ကျန်းမာရေး"</a>

ဆောင်းပါးသတင်း

(၆)နှစ်အရွယ်ကလေးတယောက်ရဲ့ ပထမဦးဆုံးသော လူကြီးအံသွား

By Dr. Aung Ko Htet, B.D.S (Mdy) | February 8, 2026

Dr. အောင်ကိုထက် ဆေးခန်းလာပြကြတဲ့ ကလေးမိဘတော်တော်များများက ကလေးသွားနာပြီး၊ အိမ်ရေးပျက်ပြီဆိုရင် ဆေးခန်းအပေါက်ဝမှာကတည်းက “နှုတ်လိုက်လို့မရဘူးလားဆရာ” ဆိုပြီးတောင်းဆိုကြတာပါပဲ။ သူတို့စိတ်ထဲမှာ “ကလေးသွားပဲ ဘာအရေးကြီးလဲ၊ နှုတ်လိုက်လည်း အသစ်ပြန်ပေါက်လာမှာပဲ” လို့ နားလည်ကြပုံပေါက်ပါတယ်။ ဒါ့ကြောင့်လည်း ညအိပ်ရင် သွားသေချာတိုက်ပြီးမှ အိပ်ပါတယ်ဆိုတဲ့ ကလေးမျိုးက ကျွန်တော်တို့ဆီမှာ တွေ့ရနည်းလေ့ရှိတာ ထင်ပါတယ်။ တခါတလေ ကလေးဆိုတာ သွားတွေပိုးစားနေရမယ်လို့ ထင်ကြတာလားတောင် တွေးမိပါရဲ့ဗျာ။ ကလေးသွားတွေကလည်း သူ့အသက်၊ သူ့သက်တမ်းအလိုက် ကောင်းမွန်နေဖို့ အရေးကြီးပါ တယ်။ ကလေးအသက်(၆)နှစ်မှ လဲမယ့်သွားကို (၆)နှစ်အထိ၊ (၁၀)နှစ်ကျော်မှ လဲမယ့်သွားကို (၁၀)နှစ် ကျော်တဲ့အထိ ထိန်းထားနိုင်မှ ကလေးဘဝတလျှောက် အာဟာရကောင်းမွန်စွာ စားသောက်နိုင်ပြီး ခန္ဓာကိုယ်ကြီးထွားဖွံ့ဖြိုးဖို့ အထောက်အကူဖြစ်တဲ့အပြင် ကြီးသွားများပေါက်လာချိန်မှာလည်း သူ့နေရာ သူ စီစီရီရီပေါက်လာဖို့ရာ လွယ်ကူပါလိမ့်မယ်။ ကလေးသွားတွေကို အရွယ်မတိုင်ခင်<a href="https://myanhealth.org/dental-health/11361/">Continue reading "(၆)နှစ်အရွယ်ကလေးတယောက်ရဲ့ ပထမဦးဆုံးသော လူကြီးအံသွား"</a>

ဆောင်းပါးသတင်း

သင်ဝယ်ယူထားတဲ့ ကလေးနို့မှုန့်ဘူးက စိတ်ချရပြီလား။

By Dr.Kris | February 7, 2026

Dr. Kris ကလေးလေးတစ်ယောက် လူလောကထဲကို အူဝဲ အူဝဲဆိုပြီး ဝင်လာထဲက ပထမဆုံး စတင်ရရှိတဲ့ အာဟာရဟာ မိခင်နို့ရည်ကြည် ဖြစ်ပါတယ်။ မိခင်နို့ရည်ဟာ အာဟာရလည်းပြည့်ဝသလို မွေးကင်းစ ကလေးလေးတွေအတွက် လိုအပ်တဲ့ ကိုယ်ခံစွမ်းအားကိုလည်း ပေးစွမ်းနိုင်ပြီး မွေးကင်းစ ကလေးငယ်တို့အတွက် အကောင်း ဆုံးဖြစ်ပါတယ်။ မိခင်နို့ချိုဟာ ကလေးငယ်တွေအတွက် အာဟာရလည်းပြည့်ဝ၊ ကိုယ်ခံအားလည်းကောင်းမွန်စေတဲ့ သဘာဝတရားကဖန်တီးပေးထားသော နတ်ဩဿဓဆေးကြီးလို့ပြောရင်လည်း မမှားပါဘူး။ ဒါပေမယ့် မိခင်ကိုယ်တိုင်ရဲ့ ကျန်းမာရေးအခြေအနေကြောင့်ဖြစ်စေ လူမှုစီးပွားအခြေအနေများကြောင့်ဖြစ်စေ အကြောင်း အမျိုးမျိူးကြောင့် မိခင်ကိုယ်တိုင် ကလေးငယ်ကို မိခင်နို့တိုက်ကျွေးဖို့ရာ ခက်ခဲလာတဲ့အခါ မိခင်နို့အစား ကလေးနို့မှုန့်ဖျော်ပြီး တိုက်ကျွေးရတဲ့ အခြေအနေမျိုး ရှိလာနိုင်ပါတယ်။ မိခင်တော်တော်များများက ကလေးကို နို့ဘူးတိုက်ကျွေးတဲ့အခါ ကလေးနို့မှုန့်ဆိုတာ ကျိုချက်ထားတဲ့ ရေနွေးပူပူနဲ့ အညွှန်းအတိုင်း စနစ်တကျဖျော်ပြီး သတ်မှတ်ထားတဲ့ အချိန်ကာလတစ်ခုထဲမှာပဲ<a href="https://myanhealth.org/womens-health/11330/">Continue reading "သင်ဝယ်ယူထားတဲ့ ကလေးနို့မှုန့်ဘူးက စိတ်ချရပြီလား။"</a>

Her Voice Her Platform

Her Voice Her Platform Program Teaser Video

By MyanHealth | February 7, 2026

𝙈𝙮𝙖𝙣𝙃𝙚𝙖𝙡𝙩𝙝 ရဲ့ အမျိူးသမီးတို့အတွက်အစီအစဉ်သစ်✨”𝙃𝙚𝙧 𝙑𝙤𝙞𝙘𝙚, 𝙃𝙚𝙧 𝙋𝙡𝙖𝙩𝙛𝙤𝙧𝙢” မကြာမီလာမည်… မျှော်! ✨ 🎤 အစီအစဉ်၏ ရည်ရွယ်ချက် အမျိုးသမီးတွေရဲ့ အသံတွေကို ပိုမိုကျယ်လောင်စွာ ကြားစေဖို့၊ သူတို့ရဲ့ အတွေ့အကြုံ၊ အခက်အခဲနဲ့ အောင်မြင်မှုတွေကို မျှဝေနိုင်မယ့်အစီအစဉ်လေး ဖြစ်တဲ့ 𝙃𝙚𝙧 𝙑𝙤𝙞𝙘𝙚,𝙃𝙚𝙧 𝙋𝙡𝙖𝙩𝙛𝙤𝙧𝙢 အစီအစဉ်လေးမှာ စိတ်ဝင်စားစရာ ကောင်းတဲ့ ဘယ်လိုအကြောင်းအရာတွေပါဝင်မလဲဆိုတာ ဒီ 𝙏𝙚𝙖𝙨𝙚𝙧 𝙑𝙞𝙙𝙚𝙤 လေးကို ကြည့်ရှူလိုက်ပါနော် 🤝 𝙃𝙚𝙧 𝙑𝙤𝙞𝙘𝙚 𝙃𝙚𝙧 𝙋𝙡𝙖𝙩𝙛𝙤𝙧𝙢 အစီအစဉ်လေးမှာစိတ်ပါဝင်စားစွာဖြင့် ပူးပေါင်းပါဝင်လိုပါက 𝙈𝙮𝙖𝙣𝙃𝙚𝙖𝙡𝙩𝙝 ကို အခုပဲ ဆက်သွယ်ပြီး ဒီအစီအစဉ်ကောင်းလေးမှာ အတူလက်တွဲဖို့ ဖိတ်ခေါ်လိုက်ပါတယ်။ နောက်ထပ်လည်း ဒီထက်ပိုကောင်းတဲ့ ဗဟုသုတရဖွယ် ကျန်းမာရေးနှင့် မိခင်များ အမျိုးသမီးများနှင့်ဆိုင်သော အကြောင်းအရာများကို<a href="https://myanhealth.org/her-voice-her-platform/11341/">Continue reading "Her Voice Her Platform Program Teaser Video"</a>

‹ ယခင်သို့ နောက်သို့ ›

1 2 3 4 5 6 7 8 9 10 11 12 13 14 15 16 17 18 19 20 21 22 23